O Alcalde entregoulle a distinción na XXVI Gala do Deporte, celebrada o 21 de novembro no Pazo da Cultura de Narón.
Narón, 26 de novembro de 2014.- O Pazo da Cultura de Narón acolleu o pasado venres 21 de novembro a 26ª edición da Gala do Deporte de Narón, na que se premiou como 'Mellor deportista de Narón 2014' á atleta Claudia Rojo Cazorla, do Club Atletismo Ría de Ferrol.
O Alcalde de Narón, José Manuel Blanco, entregoulle o trofeo polos seus méritos deportivos, entre os cales destacan os seguintes: campiona galega xuvenil e absoluta de 100 metros vallas e 400 vallas, heptatlón e probas combinadas; record galego de 400 vallas e pentatlón; e subcampiona de España xuvenil de 400 metros vallas.
No apartado de mecións especiais, foron entregadas as seguintes:
-Mellor Clube: Club Narón Tenis de Mesa.
-Polo traballo, dedicación deportiva e humana ó longo de moitos anos en Narón; Izaskun Hernáez López.
-Mellores adestradores: Lino López Amado e Jabier Albes Testa.
-Mención especial pola súa colaboración co Concello de Narón na celebración de eventos: Motoclub Fojeteiros.
-Mención especial polo 2º título consecutivo na Copa Xunta: Club Baloncesto Narón.
-Mención especial polo campeonato de liga na 2ª división B-Grupo I: Club Cidade de Narón.
-Mención especial polo subcampionato de España de Clubs: Club Baile Deportivo de Narón.
-Mención especial polo ascenso de 3ª a 2ª división: Heber Pena Picos (Unión Deportiva Somozas).
-Mención especial pola promoción do fútbol feminino na nosa comarca: Equipo Feminino del Val.
-Mención especial polo Campeonato de España de Inverno como de Verán e a súa participación no Mundial: Alberto Blázquez Arbonies (Club Arco Narón).
-Mención especial polo título de MIster Universo Absoluto e Campeón do Mundo na súa especialidade de culturismo e fitness: Luis Pernas Novo.
-Pola súa proxección deportiva: Juan Domínguez Lamas (Club Deportivo A Coruña).
-Mellor traxectoria deportiva: Lidia Mesias Espiñeira (Viaxes Amarelle).
-Mellor promesa: Sergio Trillo Valeiro (Federación Galega de Judo).
Asimesmo, foron distinguidos os mellores deportistas de Narón na pasada temporada, nun total de 27 disciplinas deportivas.