Na xornada de mañá, entre as 10:30 e as 14 horas, terán lugar os partidos da categoría infantil, nos que competirán ademáis do Narón, o OAR, o Viveiro e o Eume. Pola tarde, entre as 16:15 e as 19:15 horas, será o turno da categoría cadete na que participarán o clube anfitrión xunto co OAR e o Viveiro. Como colofón a esta xornada, ás 20:15 horas terá lugar o 1º Encontro de copa da categoría sénior no que se enfrontarán o Balonmán Narón e o Balonmán As Pontes. O edil de Deportes valorou o feito de que un ano máis se dispute este torneo que xa en clásico da cidade, poñendo en valor o traballo realizado dende o Club Balonmán Narón e animando á cidadanía a acudir ao evento para apoiar aos deportistas que participarán no mesmo.